E KNJIGA

Ando Beogrado egzistirin karing 150 care, save ande moderno čhib šaj akharenas pe slamurja, thana pe save trajin e manuša desa čorrivane. Naštik te mothol pe egzaktno lengo numero, odolaći kaj naj vorta definacijaće kriterijumurja pala lende: Pala kazom barake thaj ćherorra šaj phenel pe kaj si von jek cara? Dali atoskar musaj te lel pe ando gîndo kazom si manuša vaj kazom si ćhera kote gajda? Aj o phučipe si vi godova: So si jek slamo?

Kon čhul kasave phučimata, phare šaj del angle pe godova, kaj ande Srbija kasave care ignorišin pe. Ande aver phuvja pala kala care či na džanel pe, vi te e Evropaće barvale phuvja den e migranton, save roden azili, drom anda pire phuvja thaj kana e migrantur bolden pe, von džan te trajin ande kala care thaj gajda buhljardon e care sa maj sigo. Informacije paj formacija thaj situacija e carenđi vaj pa lenđe manuša daba egzistirin: Numa ande Beogradosko svako-đesutno trajo si von thaj lenđe čorrivane care desa prezentne. Jek lačho eksemplo pala godova si e cara tala o podo Gazela. Kaja cara si ando maškar e forosko thaj paša laće kolibe thaj laće barake naćhen svako đes maj but de deš milje manuša, numa maškar lende naj manuša, save ses varekana ande kaja cara, save pindžaren laće manušen vaj save pindžaren lenđe trajoske pharimata. Jek drom sar šaj avel pe džikaj kala informacije si, te direktno džal pe ande kala care te ćeren pe kontakturja e manušenca, save kote gajda trajin.

Beograd Gazela - Dromesko manualo ande jek čorrivani cara, saji si jek bipindžardo kotor ando maškar katar o Beogrado. Kaja knjiga mothol pa kaja cara, saji si kotor katar o ađesutno trajo ande publikaći societeta, te ćerel pe jek nevi definicija katar signifikansa, te avel kava markantno thaj importantno than integririme ande topologija e foroski. Kaja knjiga kamel te animiril e manušen, te von korkorre džan te dićhen e Gazela vaj varesave aver rromane care thaj te kote pire jaćhenca dićhen e situacija, kaja knjiga sikavel vi e kompleksne mehanizmurja katar e Rromenđi marginalizacija thaj diskriminacija thaj del jek fundirime skica kata kaja topika, saji šaj te služil sar baza pala neve humanitarne thaj politikaće projekturja. Aj vi sa gadale manušen, save đinaven akaja knjiga thaj či džan te dićhen e cara korkorro pire jaćhenca, kam del akaja knjiga jek lačhi slika katar jek lokacija, saji si eksemplarno pala trajosko thaj bešimasko than katar uni deš mije Beogradoske manuša, save si katar o majoriteto isključime thaj pe kava šaj dićhel pe vorta paradigmatično e nevi historija e Rromenđi ande jugo-istočno Evropa.

Kompozicija thaj teme

Sar maj anglal putrel jek phiripe skrozal e cara e tematika, kompletirime avel sa konkretnone faktonca pe sama katar bešipe, pe sama katar e manuša thaj pe sama katar phuv, natura thaj trajimasko trujalipe. Pala godola bazake informacije unzardon kapitlurja pe socialno sama, sar sastipe, ekonomija thaj transporto. E kapitlurja habe thaj pibe, ćinipe, religija thaj slave den jek lačhi introspekcija ande svako-đesesko trajo katar jek čorrivani cara. Le palune kapitlurja kultura thaj edukacija, societeta thaj politika sikaven e caraće manušenđi marginalizacija thaj diskriminacija thaj sikaven godolasa e čači garadi struktura katar kasaji cara. Po agor e knjigako sikavel pe o plano te haravel pe e cara thaj te inđaren pe e caraće manuša pe aver than thaj godolasa sikavel pe vi o fugitivno thaj nasigurno svako-đesesko trajosko modo ande Gazela. Praktične informacije, čhibaće referencije thaj jek glosaro ćeren, te avel kaja knjiga jek hasnako manđin ando vas e manušesko.

Kaj partikularne kapitlurja arakhadol vi e diskusija, saji inćardas o Eduard Freudmann thaj o Can Gülcü pe projektoski prezentacija, saji sas ka 14. januaro 2007 ando dietheater-Konzerthaus ande Vienna. Gadala džuvinde komentarurja arakhadon ande knjiga pe teluni margina katar knjigaći rig thaj dokumentirin e geneza thaj maj dur phučimata, save ačhile puterde vi po agoripe e tiposkriptosko. Godolasa arakhadol o projekto ande kava konteksto, andar savo inklisto - o konteksto katar e kontemporarno arta